Fundur á morgun, EKKI þriðjudag!

Við komumst að því að þrusugóðri æfingu í dag að fleiri kæmust á fundinn í hádeginu á morgun en ef við héldum hann á þriðjudaginn svo við ákváðum að breyta (sorry Ásdís:( ) Fundurinn verður sem sagt á morgun, 1. maí, klukkan 12:00 á Greifanum. Við ætlum að fá okkur súpu og salat og greiða 990 krónur fyrir það. Það er mjög mikilvægt að allir mæti á fundinn (sem mögulega komast) og láti vita ef þið komist ekki, annað hvort hérna á síðunni eða senda sms í síma 8698650. Á þessum fundi verður ALLT ákveðið, þjáflaramál, peningamál, skipulagsmál, stjórnarmál og allt það sem hægt er að setja í samsett orð með orðinu mál! Komdu eða vertu ferhyrnigur!

Æfingin í dag var nokkuð öflug. Svartar voru að gera gott mót og unnu tæpa 20 leiki í röð. Það er gaman að segja frá því að það voru mislitar sem stöðvuðu sigurgöngu þeirra eftir ítrekaðar tilraunir og allskyns spekúleringar. Við komumst að því að það er best að láta einn hanga frammi! Vestin voru alveg frábær og fóru íshokkídömunum og Lísu mjög vel, þetta snýst jú allt um að lúkka.

Hrafnhildur, Stefanía, Þóra, Sigrún Björk og Inga Dís, þið eruð vinsamlegast beðnar um að hætta að ákveða í hvaða lit þið ætlið að mæta fyrir hverja æfingu og svo skulið þið líka hætta að æfa ykkur heima 4 klukkutíma á dag því við viljum ekki að þið verðið keyptar í önnur lið og svo lítur þetta líka svo illa út fyrir okkur hinar

Við erum auðvitað aðalfréttaefnið þessa dagana *frétt* og *frétt* fyrir utan það að Dagný hefur fengið símhringingu frá fréttablaðinu.

Áfram Magni!

/Jóna og Berglind

Vesti í boði Portus.is

Portus.is sem er flottasta hljómtækjaverslun landsins, styrkti okkur til kaupa á vestum svo við verðum aldeilis orðnar pró á æfingu á morgun.

Við erum auðvitað komnar í fréttirnar og ég legg til að okkar fyrsta verkefni verði að taka mynd af Dagnýju í aksjón á fótboltavellinum;)

Æfing á morgun!

Staður: Sparkvöllur við Oddeyrarskóla. Tími: 10:45 fyrir hlaupagarpa en 11:00 ef þið eruð ekki spenntar fyrir að hlaupa.

Við ákveðum á morgun tímasetningu fyrir æfingu, pott og fundarhöld á þiriðjudaginn!

Sí jú leiter beibs…

Kveðja

Jóna Benný

Byrjum vel!

Þetta er alveg sóðalega góð byrjun hjá okkur, 16 kvikindi á æfinu í kvöld. Mér leið nú bara illa yfir því að koma inn í dimman Bogann eftir hafa kíkt á ykkur á æfingu það var svo fínt veður. Þessi mæting er náttúrlega bara algjör snilld og ég á von á því að margar fleiri stelpur láti sjá sig á næstu æfingum. Það vantaði meira að segja margar í kvöld sem hafa verið að koma á æfingar svo þetta er í alveg gríðarlega góðum málum hjá okkur.

Næsta æfing verður á sunnudaginn klukkan 11:00 í Oddeyrarskóla. Ef einhverjar vilja skokka smá fyrir æfingu þá er mæting í það 10:45 og við tökum smá upphitunarhring. Nú verða allar að reyna að sanna sig fyrir 1. leik sem styttist óðum í;)

Ef einhverjar fleiri stelpur hafa áhuga á að skirfa hérna inn þá er það alveg meira en velkomið! Þið getið sent mér tölvupóst á jona@portus.is og ég sendi ykkur notendanafn og lykilorð.

Ég skora á ykkur að hlusta á Magnalagið hérna til hliðar, þetta er það sem verður sungið langt fram eftir nóttu í hverri einustu sumarbústaðaferð
Sjáumst

/JBK

Æfing í kvöld!

Æfing í kvöld kl. 19:00 á sparkvellinum við Brekkuskóla. Það kostar um 15.000 að fá hálfan völl í Boganum, en ég held samt að við ættum á skella okkur á svoleiðis einhverntíman í nánustu framtíð. Það er oft laust eftir klukkan 20:00 á föstudögum og eftir klukkan 16:00 á laugardögum og sunnudögum.

(breytti um lúkk því hitt var svo leiðinlegt og sýndi ekki síður og fleira sem ég var að búa til, svo er líka auðveldara fyrir svona háaldrað og sjónlaust fólk eins og sjálfa mig að lesa þetta, þó hitt hafi verið með skemmtilegu grasi á;) ) 

Kveðja

Jóna Benný

Leikjaplan sumarsins komið á netið!

Usssussusss…3 dagar á milli fyrstu tveggja leikjanna, eins gott að við erum í þrusuformi;)

*Leikjaplan Magna í sumar*

Athugið að þetta eru 7 útileikir í 4 ferðum þannig að við getum skellt okkur í 3 sumarbústaðar/tjaldferðir í sumar og aðeins 1 útileikur kemur upp á virkum degi. Þetta verður mjöööög lítið mál og við verðum ekki í vandræðum með að manna þessar ferðir. Mér sýnist til dæmis í fljótu bragði að ég komist í allar ferðir, hvernig lítur þetta út fyrir ykkur? 

Tjékk it át!

Magni með kvennalið!

Smá breyting á framtíðarplaninu!

Gæjarnir hjá KSÍ eru byrjaðir að gera nýtt leikjaplan og við erum með:) Smávægileg breyting hefur þó orðið frá því sem við vorum alveg vissar um að myndi gerast. Spiluð verður þreföld umferð sem þýðir að það verða 15 leikir í sumar en ekki 10. Ég held að við ættum samt alveg að ráða við það því með öllum þeim sem hafa sýnt þessu áhuga og mætt á æfingar og fleira þá telur hópurinn um 30 stelpur svo við getum vonandi skrapað saman í lið fyrir þessa leiki. Mér finnst þetta reyndar bara skemmtilegt því ég hef mjöööög gaman af því að spila leiki og þeim mun fleiri þeim mun skemmtilegra;) 

Kv.

JBK 

Æfing á miðvikudag!

Næsta æfing verður á miðvikudaginn klukkan 19:15 í Brekkuskóla. (Sniðugt að taka með hlaupaskó ef það þarf að bíða eftir vellinum).

Síðasta æfing var hreinlega mögnuð, svona taktar hafa ekki sést á knattspyrnuvelli síðan Maradona var upp á sitt besta. 12 stelpur létu sjá sig og það var ekki að sjá að sumar hefðu ekki spilað fótbolta í einhver ár, eða jafnvel aldrei nokkurntíman á stórum velli. Stefanía rak okkur Dagnýju og Ingu Dís áfram með harðri hendi og markmiðið var aldrei minna en 5 sigrar í röð svo keppnisskapið er greinilega á réttum stað hjá flestum í þessu liði. Það var jafnframt hrikaleg spenna fyrir því að fara í útihlaup því við erum auðvitað bara með til að sigra;) Hansína, Söndrurnar og Birna voru stórhættulegar í öllum aðgerðum sínum og spiluðu í úrvalsdeildarklassa. Rauði herinn samanstóð af Hröbbu, Lísu, Sigrúnu Sigm. og Ásdísi, þær voru greinilega búnar að æfa sig vel heima fyrir þessi átök og voru að meika það.

Það verður klárlega hörð keppni hjá okkur í sumar og ekki sjálfgefið að komast í lið í þessum stjörnum prýdda hópi;)

Þjálfaramálin eru að komast í góðan farveg hjá okkur og hugsanlega náum við að semja við alveg rooooosalegan þjálfara! Say no more;) 

Allar verða að taka frá þriðjudaginn 2. maí (í næstu viku) því þá ætlum við að æfa og fara svo saman í pottinn, annað hvort í Abeco eða einhversstaðar annarsstaðar. Þar ætlum við að ræða hin ýmsu mál og sjá hvað við ætlum að vera duglegar að safna og hvað við erum tilbúnar til að leggja á okkur fyrir meiri lífsgæði;) Þarna verða líka félagaskiptablöð og fleira alveg stórkostlega mikilvægt svo allar verða að mæta!  

Sjáumst…

JBK 

Við verðum Magni!

Það hefur verið ákveðið að við göngum til liðs við stórveldið Magna og höfum heimavöll á Grenivík. Búið er að senda þátttökubeiðni í Íslandsmótið í sumar og nú þýðir ekkert annað en að krossa putta og vona það besta. Við förum í það núna að setja allt í gang í til að undirbúa komu okkar í 1. deild kvenna en ég hef fulla trú á því að KSÍ gefi okkur heimild til að leika í Austfjarðariðli í sumar.

Við ætlum að æfa á mánudag í næstu viku en svo verðum við að halda almennilegan fund þar sem allar mæta til að undirbúa sumarið, kjósa í stjórn kvennaráðs, leita fjáröflunarleiða (ég hef reyndar eina nokkuð auðvelda í huga en það er alltaf gott að eiga nóg af peningum;)), ræða þjálfaramál (endilega lítið í kringum ykkur eftir einhverjum frambærilegum þjálfara sem tekur að sér þjálfun stjörnuliðs í staðinn fyrir frábæran félagsskap okkar 3-4 sinnum í viku;) ), ákveða æfingatíma, undirbúa fjöldafélagaskipti og fleira skemmtilegt:) Það er samt best að bíða með þennan fund fram í næstu eða þar næstu viku til að allt verði örugglega klappað og klárt. Þið skulið endilega hugsa um það hvernig þið sjáið þetta allt saman fyrir ykkur því það væri frábært ef allir hefðu einhverjar góðar hugmyndir varðandi þessa starfsemi okkar þegar kemur að fundinum,

Ég vil þakka stjórn Magna fyrir að vilja taka við okkur og taka þátt í þessu með okkur og sérstaklega Reimari fyrir alla vinnuna sem hann hefur lagt á sig fyrir okkur. 

Áfram Magni!

Kveðja

Jóna Benný 

Gaman gaman!

Það voru 8 sprækar stelpur á æfingu í dag og sýndu þær oft á tíðum mikla takta sem ekki hafa sést á fótboltavöllum í lengri tíma. Þarna voru eintómar stjörnur og mátti sjá rjómann af því besta sem fótboltinn hefur upp á að bjóða. Systurnar Sandra og Sigrún Sigmundsdætur áttu gott mót í dag, Ingunn, Sandra og Jónína voru líka í miklum ham, Berglind stóð lasin vaktina í markinu (metnaðurinn í stúlkunni nær langt yfir öll skynsemismörk), Hrafnhildur Hallgrímsdóttir koma sá og sigraði, lét ekki pressuna á sig fá og skoraði úrslitamarkið í leiknum með þrumufleyg utan af velli. Ég, Jóna, var líka að þvælast þarna og hljóp á milli þess sem ég hvíldi mig.

Skemmtilegt að komast aðeins í fótbolta þó það hefði nú verið að gaman að geta verið aðeins lengur. Við töluðum um að reyna að vera virkar í því að skoða þessa síðu og láta vita af okkur hérna, sérstaklega á meðan við höfum ekki fasta æfingatíma. Ákveðið var að næsta æfing verði á mánudaginn klukkan 19:00 á sparkvellinum við Oddeyrarskóla.