Búið í bili…

Jæja elskurnar mínar, þá er þetta búið í bili (eða alveg fram að næsta Magnapartýi )

Við vorum ekki alveg eins sprækar og við hefðum viljað í leiknum á móti ÍR en megum vera ánægðar með þennan árangur á móti liði sem er búið að vera að æfa fyrir þetta í allan vetur og í allt sumar. Hrefna Dagbjartsdóttir skoraði markið okkar. Það verður nú að minnast aðeins á stormsenterinn sem kom inn í liðið fyrir leikinn en hún Þorbjörg átti marga góða spretti svo við reynum auðvitað að kaupa hana fyrir næsta sumar Inga Dís var líka alveg mögnuð í markinu og ef ég vissi ekki betur héldi ég að hún væri búin að æfa mark alla sína ævi. Allar hinar stóðu sig vel líka, enda ekki annað hægt í svona stórglæsilegu liði

Þetta sumar er búið að vera alveg Magnificent og árangur liðsins framar öllum vonum. Er svo ekki planið að æfa létt fram að áramótum (kannski einu sinni í viku á Þelamörk eða Hrafnagili) og taka svo á þessu eftir áramót og jafnvel skrá okkur í deildarbikarinn ?

Það er allavega alveg á hreinu að Magnagellur ætla að hittast á að minnsta kosti 6 vikna fresti og gera eitthvað skemmtilegt saman svo þið skulið halda áfram að fylgjast vel með síðunni.

Laugardaginn 16. sept. er svo stefnt á ruuuusalega uppskeruhátíð hjá okkur með óvissuferð og öllum pakkanum…

Þannig að þessi vetur mun ekki gefa sumrinu neitt eftir í skemmtilegheitunum

Takk fyrir sumarið, þetta var alveg meiriháttar gaman!

Kv.

JBK

P.S. Hverjar ætla með mér í BootCamp sem hefst á afmælisdegi Mola ???

Hópurinn á móti ÍR!

Hópurinn á morgun er þannig skipaður: Sæa, Sandra, Inga Dís, Þóra, Ingunn, Hrefna, Alma, Jóna Benný, Berglind, Sigrún Björk, Stefanía, Hansína, Lísbet, Birna, Þorbjörg og Heiðrún Villa.

Brottför frá Leiru klukkan 16:00!

Athugið að leikurinn er klukkan 17:30 á Grenivík!

ÍR 3-1 Magni

Fyrri hálfleikur var nokkuð jafn en við áttum þó hættulegri færi en þær. Við vorum óheppnar að ná ekki að setja allavega 2 mörk á þær í fyrri hálfleik. Í seinni hálfleik voru þær hinsvegar sterkari og settu 2 mörk strax í upphafi hálfleiksins án þess að við gerðum nokkuð í því. Þóra Pétursdóttir sett’ann svo úr aukaspyrnu fyrir okkur og þetta leit allt mikið betur út. Það var svo rétt fyrir leikslok að þær náðu að pota inn þriðja markinu eftir að brotið var á Sigrúnu Björk inni í okkar teig.

Möguleikar okkar á að komast áfram eru ennþá miklir því þetta mark á útivelli telur nokkuð mikið. Við þurfum að vinna heimaleikinn 2-0 og ég held að við verðum ekki í vandræðum með það. Einhversstaðar heyrði ég að Katrín nokkur Vilhjálmsdóttir væri komin til landsins og til í slaginn og það væru miklar gleðifréttir ef svo væri.

Eftirfarandi tilkynning var í “seifuðu” möppunni, það hefur eitthvað klikkað að “publisha” þetta…

“sælar stelpur, nú er það heimaleikurinn gegn ÍR… látið vita hvort þið séuð klárar… þannig að geti komið með hópinn fljótlega í dag

kv Molmundur”

Koma svo…

Ferðalag morgundagsins!

Ákveðið hefur verið að fara á einkabílum á morgun þar sem við finnum engan bílstjóra á rútuna. Eru einhverjar sem bjóða sig fram til að keyra í ferðina? Það þarf líklega 3 bíla.

Þær sem þurfa ekki far suður eru Sæa, Sandra, Inga Dís, Þóra, Ingunn, Hrefna
Þá eru eftir
Alma, Jóna Benný, Berglind, Sigrún Björk, Stefanía, Hansína, Birna, Moli, Sigrún Sigm.

Á leiðinni heim bætast svo Inga Dís og Þóra við en Hrefna flýgur heim svo það þarf sæti fyrir 10 manns.

Nú verða allir að reyna að redda sér og þeir sem hafa ekki gert það klukkan 8 í kvöld verða ða hafa samband við Mola!

Kv.

JBK

Hverjar ætla með í leikinn á móti ÍR?

Vinsamlegast skrifið í kommentin hvort þið komist með í leikinn á móti ÍR eða ekki. Þetta verður að gerast ekki seinna en núna strax Ef þið þekkið einhvern rútuprófsgaur þá skuliði endilega byrja að smjaðra fyrir honum

Nýir linkar í “mótherjar”

Ég er búin að bæta við link á mótherja okkar í ÍR og svo fann ég óvænt síðu Leiknis F. sem hafði farið fram hjá mér í allt sumar svo ég setti link á þær líka. Takið eftir því að Leiknisstelpur lentu í dómaraskandal á Húsavík í síðasta leik. Einkennilegt hvað öll lið virðast lenda í einhverju fáránlegu dómaraveseni þar! Kíkið líka á kommentin við efstu færsluna hjá ÍR-ingum, þar er verið að segja frá því að Haukar hafi kært leik því aðstoðardómarinn hafi ekki haft dómararéttindi… Voðalega eru þessi lið þarna fyrir sunnan eitthvað tens

En jæja, æfing á Þelamörk á fimmtudag. Ég man ekki alveg klukkan hvað en giska á 18:30.

/JBK

Næstu æfingar

Æfing á morgun, mánudag, á Hrafnagili kl 18:30 og svo verður æfing kl 18:30 í Kjarnaskógi á þriðjudaginn, létt skokk og skallablak

Magni 0-0 Sindri

Leikurinn endaði ekki beint eins og við hefðum viljað en þetta er samt sem áður allt hið besta mál þar sem leikurinn var ekki beinlínis mikilvægur fyrir okkur. Við vorum þreyttar, þungar og fullar af svíni, þökk sé yfirgrillaranum Undir lokin áttum við samt helling af góðum færum en náðum því miður ekki að nýta þau, þetta er því fyrsti leikurinn þar sem við skorum engin mörk.. gott að vera bara búnar að prófa þetta allt saman.
Við erum efstar í deildinni með 38 stig en þessu er langt í frá lokið þar sem við munum mæta ÍR næsta laugardag og við þurfum klárlega að vera vel undirbúnar í þann leik

Kv. Sigrún Björk

Magni 3-0 Sindri

Þrátt fyrir mikið andleysi Magnastúlkna var aldrei spurning um það hvort liðið myndi vinna leikinn. Við hreinlega óðum í færum en vorum ekki að nýta þau vel. Fínt spil á köflum og vörnin var að koma vel inn í spil. Sigurinn hefði þó átt að vera mikið stærri en við bætum bara úr því í dag.

Mörkin skoruðu: Þóra P. 2 og Kata V. 1

Takk kærlega fyrir heimsóknina í gær stelpur mínar, herra grillmeistari, rútubílsstjóri, foreldrar og aðrir fylgihlutir

Þið takið þetta svo bara með stæl í dag!

Kv.

JBK

Höfn hér komum við..

Það lýtur allt svona ljómandi vel út fyrir þessa frábæru ferð. Búið að redda alls konar góðgæti og ef eitthvað þá aðeins of miklu góðgæti en ég hef mikla trú á því að við tæklum það vel og vandlega

Ég get komið með ferðagasgrill svo við getum grillað öll herlegheitin á laugardeginum og ég kem með Ipod með fullt af tónlist og sennilega Avix sem er álika fullur af bíómyndum. Spáin er samt ágæt og vonandi getum við verið bara úti og gert e-ð skemmtilegt eins og kannski spilað kubb ég get kannski reddað því en ef einhver á það þá endilega að láta ljós sitt skína og koma með það… Ekki má þó gleyma að við erum að fara að spila fótbolta framar öllu og ætlum að sjálfsögðu að sigra báða þessa leiki með stæl.. Jóna Benný verður því miður ekki með og hennar verður sárt saknað!

Sjáumst sprækar í fyrramálið girlur

Kv. Sigrún ofurspennta