Ath. breytingar á færslu!

Á sunnudaginn ætla ég að bjóða ykkur heim til mín til þess að ræða framhaldið á glæstum sigrum okkar á knattspyrnuvellinum. Þetta verður ekkert djammpartý heldur meira svona kaffihúsastemmari því planið er að hittast klukkan 20:00. Ég á heima í Hafnarstræti 86 á 2. hæð (athugið ekki Hafnarstræti 86 a, heldur grænu húsi við hliðina á Passion). Það þýðir ekkert að dingla, þið verðið bara að æða inn og upp á 2. hæð.

Þarna verða þjálfaramálin rædd, æfingamál vetrarins, keppnismál, kostnaður, og allskonar dæmi sem við þurfum að ákveða fyrr en seinna.

Það er ekki hægt að finna tíma sem hentar öllum en endilega látið vita hvort þið komist eða ekki því ef það komast bara 2 þá verðum við náttúrlega að finna annan tíma.

Kveðja

JBK

Fótbolti og fleiri myndir!

Á morgun fimmtudag verður bolti í Oddeyrarskóla klukkan 18:00. Það væri frábært ef þú gætir kippt með boltum og vestum Hrabba (og svo má auðvitað þjálfarinn fylgja með ef hann vill).  Lísbet er búin að henda inn myndum af lokahófinu á myndasíðuna okkar (undir “myndir” hérna til hliðar) og Sigrún Björk er líka búin að setja inn myndir *hérna*.

Ég er að fara að skrá okkur í innahússmótið sem haldið verður í lok nóv. eða byrjun des. svo það er eins gott að mæta á fimmtudag og halda sér í formi

Fússball á þriðjudegi…

Fótbolti í dag þriðjudag í Oddeyrarskóla kl. 18:00. Hrabba ætlar að mæta fersk á svæðið (sorry Hrabba ég kemst ekki svo þú ert eina aðdráttaraflið )

Það þarf ekkert að hafa mörg orð um það hvað lokahófið var okkar var frábært. Við eigum eftir að lifa hamingjusamar á þessu fram að næsta Magnadjammi. Moli sló alveg rækilega í gegn, en hefði eflaust slegið enn betur í gegn í eigin persónu.

Myndir eru komnar í linkasafnið hérna til hliðar. Ég veit að Birna var ekki ein með myndavél svo nú er komin pressa á ykkur hinar að henda myndunum inn

/JBK

Varðandi matinn á lokahófinu

Við fengum tilboð frá Strikinu, smjörsteikt kjúklingabringa með risotto, grænmeti og sósu í aðalrétt og súkkulaði soufle í eftirmat á 3300 kr svo fáum við stóran öl á 400 kr. Það var ákveðið fyrir hönd hópsins að taka þessu en svo hafa heyrst einhverjar efasemdaraddir og halda að einhverjar hætti hreinlega við að vera með því að þetta sé of dýrt. Ef þið viljið þetta ekki þá segja það í comenti NÚNA því það er búið að panta borð fyrir 17 manns. Taka þessu eða panta sjálfar?

Kv. SBS

Varðandi matinn á lokahófinu

Lokahóf wúúhúúú ;)

Þá er þetta að skella á , Lokahófið okkar umtalaða…..Mæting er stundvíslega á hringtorgið fyrir neðan Tröllaborgir við þar til gert skylti klukkan 13:31, ALLS ekki seinna. Þar verður dregið í lið í ratleikinn okkar sem hefst svo í Kjarna klukkan 14:00 að staðartíma.  Eftir brjálað sprell og læti í Kjarna verður þorstanum svalað með nokkrum köldum í boði Víking…Þar á eftir verða lúin bein hvíld og slakað á í pottinum á Bjargi… Með rúsínu putta og soðnar tær byrja svo Magna gellur að hafa sig til allar saman á Bjargi, fara í betri fötin og setja upp andlit, það er að segja gera sig enn fallegri en venjulega ef svo er hægt enda með eindæmum fallegar þessar konur í kvennaliði Magna;) Þegar drottningarnar eru klárar, segjum svona um 8-leytið, svo lengi sem allar hafa haft rænu til að taka sig til á þessum tíma , þá höldum við glaðar í bragði á Strikið, þar sem við borðum saman dýrindismáltíð sem við fáum á afar nettu verði eða það segir Sigrún allavega, treystum því Þar verður smá glens og frjálst er að versla á barnum að vild..en ætlumst við þó til þess að allir sýni sóma sinn í því að haga sér eins og fulloðið fólk..Með pakkaða maga og sáttar með lífið tekur við gleðskapur mikill heima hjá gestgjafanum okkar sem að þessu sinni er  leynigestgjafi….Það er skylda að vera þar til 00.19…þá má fólk gera það sem það vill, formlegri dagskrá lokið en það er ekki þar með sagt að gleðin sé úti, og að sjálfsögðu reynum við að halda hópinn, því dansstaðir bæjarins hafa boðið okkur velkomnar og ætla að hafa opið til 04:00 og jafnvel aðeins lengur svo að við náum pottþétt að slíta ballskónum okkar  Það sem þarf að hafa meðferðis er:

• Áfengi
• Föt í ratleik, stígvél ef það rignir og hlýrabol ef það er sól
• Áfengi
• Sundföt, handklæði og hreinar naríur
• Áfengi
• góða skapið
• Áfengi
• Snyrtidót
• Góða skapið
• Áfengi
• Fín föt
• Áfengi
• Pening

Kostnaður við þetta allt saman er 1200 krónur og einnig þarf hver og ein að borga fyrir sinn mat á Strikinu. Til þess að taka þátt þarf að leggja 1200 krónur inn á Magna reikninginn okkar…

Sjáumst eiturhressar á hringtorginu

Aðalmaðurinn á afmæli í dag!

Þann 11. september 1966 kom GullMolinn okkar í heiminn.

Moli hefur verið mikið betri en enginn í sumar og er akkúrat maðurinn sem við þurftum til að gera fótboltasumarið okkar eins fullkomið og það var. Hann kom okkur á toppinn og kenndi okkur allt sem við þurfum að kunna til að meika’ða í boltanum. Spottinn í markmanninum, aldrei að gera tvö mistök í röð, kraftur og vilji, flugvélin og fleiri frábær ráð frá meistaranum komu sér oft vel fyrir okkur í sumar. Ef hin liðin öfunduðu okkur ekki út af því hvað við erum fallegar, í flottum búningum og góðar í fótbolta, þá er ég viss um að þau öfunduðu okkur út af þjálfaranum Maðurinn er náttúrlega bara snillingur!
Til hamingju með 25 ára afmælið elsku Moli okkar!

/JBK

Þú….sem mættir einu sinni, sem mættir alltaf, sem spilaðir ekkert, sem spilaðir alltaf, sem komst nálægt magna….

MÆTTU 16. SEPTEMBER!!!!!

KANNAST ÞÚ við það að vera að fara í veislu og ætlar í nýja fallega pilsinu þínu. Þú lítur í spegil og spyrð: spegill spegill herm þú mér hver á landi fegurst er? þú bíður spennt eftir því að spegillinn segi “Þú drottning mín ert fegurst allra kvenna” en í staðinn heyrir maður “Þú ert með marða leggi”. Þegar við erum alveg að hætta við að fara í veisluna fáum við þá snilldar hugmynd að skella okkur í fallegu 12 cm stígvélin okkar, við staulumst að speglinum og æpum í hverju skrefi vegna bólgna ökkla og spyrjum: spegill spegill herm þú mér hver á landi fegurst er? við heyrum hlátur og spegillinn segir “þú ert hölt eins og hæna..haha….”.Við verðum öskureiðar, hendum af okkur stígvélunum og skellum okkur í opnu lágbotna skóna og gammosíur innan undir pilsið….”haha nú geturðu átt þig spegill” hugsum við og æpum: spegill spegill herm þú mér hver á landi fegurst er? spegillinn hlær enn hærra en síðast og segir “Var tánum hent á þig og hvað, búin að týna nokkrum tánöglum”. Nú er okkur nóg boðið, við getum ekki meira ,brjótum spegilinn og köllum yfir okkur 7 ára ógæfu. Vegna mikils skorts á heilasellum eftir alla skallana í leiknum daginn áður getum við ekki hugsað meira, skellum hurðinni aftur, hrækjum og skundum af stað í veisluna og um leið teljum við okkur trú um það að við séum dead sexy……………….já svona er að vera alltaf í boltanum, þetta fylgir víst þessum bolta… eða hvað? en af hverju í andsk#$&% erum við þá að þessu….fyrir þá sem ekki vita er svarið LOKAHÓF. Lokahóf er hóf eða gleðskapur sem að haldið er í lokin. Nú veit ég fyrir víst að knattspyrnutímabilinu er lokið hjá kvennaliði Magna sumarið 2006…þarf nú varla að taka það fram að árangurinn var framar vonum og glæsilegur. Því er komið að Lokahófi.

Kæru vinkonur og vinur…Þann 16. september

Skemmtiatriði eru vel þegin…

Þeir sem ætla að taka þátt eru vinsamlegast beðnar um að skrá sig hér að neðan í commentakerfið og einnig senda póstfang sitt á mailið totape4@hotmail.com eða ingiridurtryggva@hotmail.com til að fá frekari upplýsingar um þennan einstaka viðburð.

Magni – ÍH

Eigum við ekki að reyna að gera smá stemmara í kringum leikinn hjá strákunum á þriðjudag. Fara allar saman og hvetja þá áfram upp í 2. deild. Eins og þið vitið sennilega flestar unnu þeir útileikinn 1-2 og eru þess vegna í nokkuð góðum málum.

Við gætum hist á Leiru klukkan 17:00 og sameinað í bíla. Svo er spurning um að vera í utanyfirgöllunum okkar, eða hreinlega í keppnistreyjunum.

Eru ekki einhverjar til í þetta?

Kv.

Jóna Benný