Jólagleði magnaðra knattspyrnukvenna

9 stelpur mættu á æfingu í gær og þar var ákveðið að halda jólagleði Magnakvenna laugardaginn 9. desember. Þá er planið að hittast heima hjá einhverjum, líklega kannski heima hjá mér, borða saman, drekka saman og djamma saman Ekki er alveg komið á hreint í hvaða formi maturinn verður en til greina kemur 3ja rétta veislumáltíð, hlaðborð, kökuveisla, pinnamatur og eflaust margt fleira sem ákveðið verður mjög fljótlega. Við munum sjá um matinn sjálfar svo við erum ekki að tala um einhverjar gríðarlegar upphæðir.

Hafið það annars gott sykurpúðar og gangi ykkur (sem eruð í skóla) vel í prófundirbúningi…

Æfing á morgun, 28. nóv

Jamm bolti á morgun og um að gera að mæta og hrista af sér lærdóms eða vinnuslenið eða hvað slen sem er bara allavega þarf ég á því að halda… Endilega skrá í kommentin hverjar ætla að mæta á morgun, leiðinlegt að mæta og svo er enginn bolti svo erum við líka búnar að borga (allavega einhverjar) svo það er skemmtilegra að reyna að nýta tímana. Allavega stefni ég á það að mæta og vonandi þið líka

Kv. Sigrún Björk

Bolti á morgun…

Sælar skvísur…

Bolti á morgun í Glerárskóla kl. 20:00. Allar að mæta þangað…

Ég kemst reyndar ekki í bolta því ég er að fara í ógeðispróf dauðans á miðvikudaginn. Ef ég verð í sjálfsmorðshugleiðingum um 8 leytið er samt aldrei að vita nema maður kíki við til að létta aðeins á lundinni

Annað sem ég vil segja ykkur er að ég er að fara að skipta um lið á morgun. Ég mun fara í hið síunga lið Sindra og reyna að hífa aðeins upp meðalaldurinn þar. Líklega mun þetta aðeins standa yfir á meðan innanhússmótið er en ef við verðum með eitthvað geim síðar þá skal ég borga félagsskiptin sjálf

Hafið það eins og þið viljið…

Kveðja

Jóna Benný

Help please!

Sko eins og staðan er núna hef ég fengið jákvæð svör frá eftirtöldum stelpum um að spila á mótinu: 1. Jóna, 2. Lísbet, 3. Helga Margrét, 4. Sandra Sigm., 5. Stefanía, 6. Sæa. Fimm leikmenn þurfa að vera inni á vellinum og formið hjá okkur er líklega ekki nógu gott til að keyra á 1 skiptimanni allan tímann. Fyrir utan það höfum við ekki markmann og ég er persónulega ekki tilbúin til að taka þá stöðu að mér þó mér væri greitt fyrir það.

Ég er alveg til í að fara á mótið en ég er líka alveg til í sleppa því. Ástæðurnar fyrir því hjá mér eru annir, en ég verð að vinna alla helgina, þarf að læra slatta og er að fara í fertugsafmæli á laugardagskvöldið. Mér heyrðist viðhorfið vera það sama hjá Stefaníu og Söndru en Sæa virkaði vera spenntari yfir þessu en við. Ég er ekki með símanúmerið hjá þér Lísbet (allavega ekki á einhverjum vísum stað þó ég hafi líklega einhverntíman skrifað það niður). Hvað segið þið þarna á Grenó?

Svör óskast fljótt og örugglega…

Kveðja, JBK

Magnaðar takið eftir!

Moli okkar hefur verið ráðinn aðstoðarþjálfari m.fl. kvenna í Þór/KA. Við kveðjum hann með söknuði og óskum honum góðs gengis í nýju starfi,

Annað mál á dagskrá er innanhússmótið. Ég ætla að biðja ykkur um að skrá ykkur hérna fyrir neðan, hvort þið komist eða ekki, fyrir næsta þriðjudag, því ef við náum ekki í lið ætla ég að drífa í því að skrá okkur úr keppni. Mótið er seinnipart á sunnudag í Mosfellsbæ.

Kv.

JBK

Laugardagsbolti!

Eruð þið til í bolta á laugardaginn klukkan 16:00 á Lundarskólavelli?

Ekki bolti í kvöld!

Við getum víst ekki farið í bolta í kvöld því verið að undirbúa árshátíð krakkanna í Glerárskóla sem haldin verður í íþróttahúsinu þeirra.

Sjáumst í næstu viku…eða fyrr ef einhverjar langar að skella sér út á sparkvöll?

Kv.

JBK